Proxectos

Bolsas de investigación da cultura marítima desde diversos enfoques, como a perspectiva de xénero, o sociolóxico, o arquitectónico e o histórico.

Eventos científicos sobre cultura e patrimonio marítimos.

Portal sobre cultura marítima que aglutine teses de doutoramento, monografías, artigos científicos e outras publicacións da mesma temática.

Rede europea de entidades de patrimonio marítimo, en relación coas redes de patrimonio etnográfico e industrial.

Folla de ruta no exterior da Mostra da Cultura Marítima (A.05.P.14) en organismos e lugares onde poida ser trasladada.

Casas de Galicia: apoio nesta rede arredor do mundo para a promoción e a difusión da cultura marítima.

Intercambios dentro dos oficios tradicionais da cultura marítima nacional e internacional para dinamizala e para darlles visibilidade aos profesionais e oficios do mar, co fin de crear a Rede Galega de Profesionais do Sector do Mar, que englobará todos os oficios artesáns para a súa proxección internacional.

Estratexia de acompañamento de difusión para facilitar a asistencia de empresas e profesionais a foros e congresos.

Hub de investigación “Innovar desde o propio”, que reúna tradición, innovación e sostibilidade; por exemplo, substitución de plásticos en redes, bateas, etc.

Proxecto emblema 3: Investigación dos roteiros históricos dos produtos do mar (A.28.P.76).