Proxectos

Conformación de grupos de coidadores do patrimonio, encargados da valorización e mais da dinamización social da memoria e do patrimonio marítimos.

Instrumento de valoración vencellado ao atlas (A.01.P.03) que axude á reflexión sobre a pluralidade do patrimonio do mar (voto con nota, comentarios e achegas fotográficas das persoas usuarias). Servirá como ferramenta para distintos intereses: académicos, de análise territorial ou de xestión urbanística, entre outros.

Creación dunha liña de apoio orientada á potenciación da creatividade artística mariñeira (artes visuais, escénicas, literarias, entre outras), que marque as pautas do financiamento para a promoción de novos talentos en áreas urbanas e rurais.

Creación dunha liña de apoio mediante subvencións a fondo perdido para a realización de actividades culturais: charlas de expertos, cafés-concertos da cultura marítima, programación de contacontos en museos sobre historias ou lendas vencelladas á cultura marítima e xornadas de portas abertas en talleres de artesáns e industrias do mar. As ditas actividades poderían canalizarse a través da rede de espazos existentes como arquivos, bibliotecas e museos.

Potenciar a realización de actividades culturais marítimas nos concellos litorais cada 20 de maio, con relación ao Día Marítimo Europeo (EMD). O EMD é o punto de encontro anual da comunidade marítima de Europa para establecer redes, debater e forxar unha acción conxunta.

Estudo de detalle da toponimia e microtoponimia do bordo litoral (Cantábrico e Atlántico) e tamén dos fondos mariños, dos bancos marisqueiros e das marcas de pesca.

Análise histórica da autoorganización, cosmovisión e relación co medio das xentes do mar.

Creación dun arquivo único vinculado á Web do mar (A.10.P.27) apoiando as institucións para achegar os seus materiais en: A) Arquivo audiovisual: recompilación dos traballos previos sobre memoria oral. B) Fototeca, con imaxes históricas en relación coas historias de vida.

Repositorio dixital aberto e accesible sobre a memoria oral das mulleres do mar, incorporando fontes fotográficas e instrumentais. Creación dun enlace na Web do mar (A.10.P.27) e en Galiciana: Biblioteca Dixital de Galicia

Espazos de transferencia de coñecementos e difusión pública sobre a realidade cotiá das mulleres do mar.