Proxectos

Selo de Cultura Marítima (logo) dedicado ás accións ou produtos que xurdan do Plan da cultura marítima de Galicia e dos GALP (foros, exposicións, rutas, proxectos Emblema...).

Creación de obradoiros/módulos de formación profesional regrada e programas de validación e mellora: A) obradoiros propios dos proxectos Emblema (A.28.P.76) que marquen as pautas dun proceso formativo circular, B) avaliación e mellora dos plans formativos de centros como a Escola de FP Marítimo-Pesqueira (Bueu) ou o Centro de Formación A Aixola (Marín).

Proxecto Emblema 2: Construción dunha embarcación en madeira. (A.28.P.76)

Programa de bolsas: A) de emigrantes retornados, co fin de incluír o novo produto de formación na oferta de bolsas aos retornados existentes; B) de formación nos oficios involucrados na produción dos proxectos Emblema.

Bolsas de traballo en colaboración con Fundación Once, Cogami, Bata... para persoas con discapacidade nas empresas da cadea mar-industria.

Programa de apoio con organismos como Cruz Vermella, Cáritas ou a Fundación Ronsel para fomentar a incorporación das escolas de oficio á súa estrutura de inserción laboral.

Consolidación de espazos e redes femininas de profesionais do mar.

Grupos de investigación consolidados e colaborativos na UDC, USC e UVigo.

Liña de cultura marítima no Centro Tecnolóxico do Mar (CETMAR) que fomente o patrimonio cultural das zonas pesqueiras e acuícolas a través de iniciativas de I+D.

Cátedra do mar: captación de apoios das empresas da cadea mar-industria: empresa-universidade, co fin de definir unha estratexia universitaria para investigación relacionada co mar.